地址 - 大角咀洋松街89號建聯工業大廈3樓

開放時間 - 星期一至日 9am-10pm (只限會員及朋友)

香港老字號攀石場，全港最平自助式攀石場。不過留意番唔適合新手，因為場地無staff亦無鞋無粉袋租借，線路亦偏難偏兇狠，所以比較適合玩左幾個月想挑戰一下自我嘅climber。路線上同外間現時比較普及嘅設定唔同，都係spray wall，路線以同色貼紙標記而唔係一般同一種顏色hold代表一條線。牆身比較矮同比較多overhang都幾過癮。場地亦有充足訓練裝備，不過留意番無水賣同埋只有風扇無冷氣，相對適合兇狠自虐型選手挑戰。

如果想去玩，可以留意番佢地facebook定期嘅新會員招待日或者搵個有鎖鑰嘅朋友，因為你未去過就咁上去係好大機會摸門釘。